Оралда марқұм судьяның ұлына 48 млн теңге төленеді

Орал қалалық сотының тергеу судьясы 55 жастағы Нұрлан Ғұбашев наурызда жұмыста қайтыс болған.
Марқұмның ұлы әкесінің қайтыс болуын оның қызметтік міндеттерін орындау кезінде болғанын айтып, әкесінің 60 жалақысы, яғни 48 миллион теңге көлемінде өтемақы төлеуін талап еткен.

"Өлімге әкелетін жазатайым оқиғаны тергеу жөніндегі комиссия жазатайым оқиға еңбек қызметімен байланысты емес және есепке алынбайды деген қорытындыға келді. Нұрлан Ғұбашевтің өліміне қолқа доғасының өрлеме бөлігінде қан тамырларының кеңеюі, жүректің тығындалуы асқынуынан қолқа доғасы өрлеме бөлігінің аневризмасы жарылуы себеп болған ", - делінген хабарламада.

Нұрлан Ғұбашевтің ұлы комиссияның мұндай шешімімен келіспей, сотқа жүгінген.

Куәгерлер марқұм судьяға үлкен жүктеме болғанын растаған. Нәтижесінде судьяның ұлының талаптары қанағаттандырылды.

"Іс материалдарын зерделегеннен кейін №2 сот талапты қанағаттандыру туралы шешім қабылдады және Ғұбашев Нұрланның өлімі Орал қаласының тергеу соты төрағасының/судьясының қызметтік міндеттерін атқару кезінде болғанын мойындауға шешім қабылдады. ҚР Сот әкімшілігінің БҚО бойынша департаментінен марқұмның ұлының пайдасына 48 миллион теңге өндіріп алынсын", - деп шешім шығарды сот.

Сот шешімі заңды күшіне енді.