Шымкенттің бұрынғы "зың" әкімі министрдің орынбасары болды

Ғабидолла Әбдірахымов Мәдениет және спорт вице-министрі болып тағайындалды, деп хабарлады paryz.kz. 

Ғабидолла Әбдірахымов 1975 жылы Оңтүстік Қазақстан облысында дүниеге келген. Қазақ мемлекеттік аграрлық университетін бітірген. "Болашақ" бағдарламасы бойынша Неміс Жоғары мемлекеттік басқару мектебінде оқыған, мемлекеттік әкімшілендіру магистрі.

Еңбек жолын 1996 жылы Қазақ мемлекеттік аграрлық университетінде тәлімгер-оқытушы болып бастаған. 1999-2008 жылдары Мемлекеттік қызмет істері агенттігінің құрылымында түрлі лауазымдарды атқарды. 2008-2012 жылдары Премьер-министр кеңсесінің басшысы болды. 2012-2013 жылдары - Бәсекелестікті қорғау агенттігінің төрағасы. 2013-2015 жылдары - Президент Әкімшілігі басшысының орынбасары. 2015-2017 жылдары - Шымкент қаласының әкімі. 2017-2018 жылдары - "Нұр Отан" партиясының хатшысы. 2018-2019 жылдары - Шымкент қаласының әкімі. 2019 жылғы қараша айынан қазірге дейін Премьер-министрдің кеңесшісі қызметін атқарды.