Тоқаев "ашық және әділ сайлау өткізуге бел будық" дейді

Бұл сөзді президент бүгін Ұжымдық қауіпсіздік туралы шарт ұйымының (ҰҚШҰ) саммитінде сөйлеген сөзінде айтты, деп хабарлады paryz.kz.

"Барлық саяси күштерге дайындыққа жеткілікті уақыт берілді. Биыл біз бұрын-соңды болып көрмеген демократиялық реформалардың пакетін жүзеге асырдық. Олар көп партиялы саяси бәсекелестікті дамытуға және азаматтық белсенділікті арттыруға бағытталған", - деді Қасым-Жомарт Тоқаев.

Еске сала кетсек, сайлауға "Нұр Отан", "Ақ жол", Қазақстан Коммунистік Халық партиясы (ҚКХП), "Ауыл", "Бірлік" және Жалпыұлттық социал-демократиялық партия (ЖСДП) қатысады деп күтілген. Бірақ соңғысы сайлауға қатысудан бас тартты.

Тағы оқи отырыңыз: Әділет министрі Қазақстанда оппозициялық партия жоқ екенін айтты

Ал мына жақта Тоқаев: "Атап айтқанда, парламенттік оппозиция институты заңнамалық деңгейде бекітілген және әйелдер мен жастарға арналған партиялық тізімге 30% квота енгізілген. Біз ашық және әділ сайлау өткізуге бел будық. Біз серіктестеріміздің қолдауынан үміттіміз. Сіздердің мемлекеттеріңізден, сондай-ақ, парламенттік ассамблеялар мен ҰҚШҰ арқылы бақылаушылар күтеміз", - деп соғып отыр.