Рим папасы қатысқан съезде оқыс оқиға болды
Әлемдік және дәстүрлі діндер көшбасшыларының VII съезінде оқыс оқиға болды, деп хабарлайды paryz.kz ақпараттық агенттігі halyq uni-не сілтеме жасап.
фото: Halyq uni
Елордадағы Тәуелсіздік сарайында өтіп жатқан жиынға келген қатысушылардың бірі кіреберісте есінен танып қалды. Медицина қызметкерлері ер адамға тиісті көмек көрсету үшін алып кетті. Әзірге оның жеке басы мен қазіргі жағдайы туралы мәлімет берілмеді.
Айта кетейік, Нұр-Сұлтан қаласында Әлемдік және дәстүрлі діндер көшбасшыларының VII съезі өтіп жатыр. Биыл съезге әлемнің 51 елінен 100-ден аса делегация қатысуда.
