Депутаттардың қашан аймақтарға шығатыны белгілі болды

Мәжіліс депутаттары бір аптадан кейін "сайлаушылармен кездесуге" аймақтарға шығады. Ол туралы бүгін төменгі палатаның отырысында спикер Ерлан Қошанов айтты, деп хабарлайды Paryz.kz., inbusiness.kz-ке сілтеме жасап. 

Депутаттардың қашан аймақтарға шығатыны белгілі болды
Сурет: Inbusiness.kz

Кеше үкіметтің кеңейтілген отырысында мемлекет басшысы Қасым-Жомарт Тоқаев осы уақытқа дейін қордаланған проблемаларға қатысты ащы сын айта отырып, нақты міндеттер жүктеді. Ол міндеттің ең бастысы – еліміздің  экономикалық әлеуетін қалпына келтіріп, халықтың табысын, әл-ауқатын арттыру. Осы мақсатқа жету үшін Президент жұрттың бизнеспен айналысуына тең жағдай жасау, еңбек етуге қолайлы жұмыс орындарын ашу, тұрғын-үй, денсаулық мәселелерін шешу, инфляцияны ауыздықтау, қосымша қаражат көздерін қарастыру, шағын және орта кәсіпкерлікті дамыту сияқты басқа да бірқатар басым бағыттарды атап айтып, шынайы нәтижеге жетудің жолдарын көрсетті.  Елдегі келеңсіздіктерге де тоқталып, елімізде қарызға батқан азаматтар мен кедей адамдардың көбейіп бара жатқанын ашық айтты.  Әсіресе жастар арасында адал еңбек етіп, жетістікке жетуден үміт үзіп, қол қусырып отыратын үрдіс пайда болғанын да  қатаң сынға алды.  Біз бір аптадан кейін сайлаушылармен кездесуге шығамыз. Сол кезде осы нақты қадамдарды әрбір сайлаушыға, әрбір азаматқа жеткізуге тиіспіз, – деді Қошанов.