Мемлекет басшысы әлемдік шахмат аренасын бағындырған Бибісараны қабылдады

Президент Варшавада өткен әлем чемпионатында шахматтың «блиц» түрінен алтын және «рапид» бойынша күміс медаль иеленген жас шахматшыны жарқын жеңісімен құттықтады, деп хабарлайды Paryz.kz, "Хабар 24"-ке сілтеме жасап.

Сурет: Хабар 24

Бибісара Асаубаева Қасым-Жомарт Тоқаевқа қолдау көрсеткені үшін алғыс айтып, спорттағы мансабына қатысты алдағы жоспарымен бөлісті. Мемлекет басшысы Бибісара Асаубаеваның әлемдік шахмат аренасында Қазақстанның намысын келешекте де лайықты қорғай беретініне сенімді екенін атап өтіп, жеңістен жеңіске жете беруіне тілектестік білдірді, - деп хабарлады Ақорданың баспасөз қызметі