Тоқаев Санкт-Петербургке ұшып барды

Президент Қасым-Жомарт Тоқаев Санкт-Петербургке жұмыс сапарымен барды. Бұл туралы Facebook-парақшасында Мемлекет басшысының баспасөз хатшысы жазды, - деп хабарлайды Paryz.kz.

Оның айтуынша, Президент Қасым-Жомарт Тоқаев Тәуелсіз Мемлекеттер Достастығына мүше мемлекеттер басшыларының дәстүрлі бейресми кездесуіне қатысу үшін Санкт-Петербургке жұмыс сапарымен барған.

Кездесу барысында ТМД-ға мүше мемлекеттердің басшылары Достастық аясында атқарылған бірлескен жұмыстардың қорытындыларын, көпжақты ықпалдастықты дамытудың және Ұйым қызметінің тиімділігін арттырудың перспективаларын талқылайды. Сондай-ақ халықаралық және аймақтық күн тәртібіндегі өзекті мәселелерді қарастыру жоспарланып отыр, - деп жазды Берік Уәли.