Ақсуда әйел адамды өлтіріп, денесін бөлшектеп тастаған күдікті сотталды

Сотталушы жәбірленушіні өлтіріп қана қоймай, денесін бөлшектеп, оны қаланың әр бөлігіне апарып тастаған, деп хабарлайды Paryz.kz, Pavlodarnews.kz-ке сілтеме жасап. 

Қайғылы оқиға өткен жылдың 11 қазанында Ақсу қаласында болды. Достардың басқосуы төбелеспен аяқталады. 30 жастағы әйел өзінің 27 жастағы танысы қолхатпен алған ақшаны қайтармады деп шу шығарған. Бұған жауап ретінде ер адам оның кеудесіне пышақ қадаған. Әйел сол жерде қайтыс болған. 

Ақсу қаласының тұрғыны жәбірленушінің денесін бөлшектеп, сөмкелерге салып, қылмыстың ізін жасыру мақсатында оны келесі күні қаланың түрлі қоқыс жәшіктеріне апарып тастағанын айтты. Ол біреуін қаланың шетіне көмген.

Кісі өлтіруші 2021 жылы 23 қаңтарда ұсталды, содан кейін ол жасағанын қылмысын мойындады. Сот жас жігітті ҚР ҚК 99 -бабының 1 -бөлігі бойынша кінәлі деп танып, 10 жылға бас бостандығынан айырды. Ер адам енді жазасын қатаң тәртіптегі қылмыстық -атқару жүйесі мекемесінде өтейді, деп - жазады өңірлік сайт.

Прокурор сотталушыны 14 жылға бас бостандығынан айыруды сұрады, марқұмның ата-анасы ең жоғары мерзімді талап етті, яғни 15 жылды.

Жеңілдететін мән-жайлар бойынша сот кінәсін мойындау, өкіну және жігіттің бұрын сотталмағаны ескерілді.

Дене қалдықтары, бөлшектелген әйел денесінің үш фрагменті сот үкімі заңды күшіне енгеннен кейін отбасна жерлеу үшін қайтарылады, - деді Павлодар облысының Қылмыстық істер жөніндегі мамандандырылған ауданаралық сотының судьясы Құдабай Сұлтанов.

Айта кетсек, жоғалған әйелді іздеумен Павлодар қаласының ізкесушілері -"Vita" айналысқан. Кейін оның аяусыз өлтірілгені белгілі болды.