Астана
-7.03°C
Астана
-7.03°C
Ақтөбе облысында әйел өз екі баласын өлтірді деген күдікпен ұсталды, деп хабарлайды paryz.kz.
Қос адам өлтіру оқиғасы Қандыағаш қаласында болған. Құрбандар – кәмелетке толмаған балалар. Олардың өліміне күдікті ретінде өз аналары қамауға алынды.
“23 наурызда Қандыағаш қаласында екі кәмелетке толмаған баланың мәйіті табылды. Олардың өліміне байланысты анасы, Атырау облысының тұрғыны, күдікті ретінде ұсталды. Алдын ала мәлімет бойынша, ол босанғаннан кейінгі депрессияда болған. Қазіргі уақытта қылмыстық іс қозғалып, күдікті уақытша ұстау изоляторына қамалды. Тергеу ісі полиция басшылығының бақылауында”, – деп хабарлады Ақтөбе облыстық полиция департаменті.
Ведомствоның мәліметінше, күдікті 1996 жылы туған. Ол Қандыағаш қаласына Атырау облысынан келген. Полицияның мәліметінше, балалардың жасы 11 ай және үш жас болған. Қалған мәліметтер жария етілмейді.
