«Сенер емеспін»: Қазақстандық танымал әнші жол апатынан қаза тапты

Әлеуметтік желілерде әншінің әріптестері мен достары марқұмның отбасы мен туғандарына көңіл айтып жатыр.

"Әлі де сенер емеспін!!!! Кеше ғана, Әлеке былай істесек қалай болады?- деп жүрген інім еді ғой…. Бүгін осындай хабар келді!!! Алла қасиетті жұма күні, рамазан айының алдында жаныңды алған екен… Раббым өзі алдыңнан жарылқасын! Керемет жігіт едің…. Қош, бауырым!", - деп жазды жақыны Серғалиев Әлібек.

Асқар Дүйсеновті ақтық сапарға шығарып салу рәсімі 2 наурыз күні әншінің тағын жері – Солтүстік Қазақстан облысының Кішкенекөл ауылында өтеді. Ақмола облысы ПД-ның хабарлауынша, жол-көлік оқиғасы 28 ақпанда Астана-Петропавл трассасының 31-ші шақырымында болған.

“Газель” мен Volkswagen Polo көліктері соқтығысып, соның салдарынан жеңіл көліктің жүргізушісі қаза тапқан. Адам өліміне әкеліп соқтырған жол апатына байланысты сотқа дейінгі тергеу басталды.