Жамбыл облысында ер адам анасын пышақтап өлтірді

Қылмыс 2024 жылдың қыркүйек айында болған. Ішімдікке мас болған ер адам анасымен жанжалдасқан. Осы ұрыста ер адам асханадан пышақ алып анасының кеудесін сұғып алған.

Ол оқиға орнында көз жұмды. Сотта ер адам өкініп, кінәсін ішінара мойындап, өлтіру ниетінің жоқтығын және барлығы аяқастынан болғанын айтты. Сотталушының ағасы жазаны соттың қарауына қарай қалдырды.

Жамбыл облысының қылмыстық істер жөніндегі мамандандырылған ауданаралық соты азамат К.-ны Қазақстан Республикасы Қылмыстық кодексінің 99-бабының 1-бөлігі «Адам өлтіру» бойынша кінәлі деп танып, 13 жыл мерзімге бас бостандығынан айыру жазасына кесті. Мұндай үкіммен келіспеген сотталушы мерзімін қысқартуды сұрап, апелляциялық шағым түсірді.

«Жамбыл облыстық сотының қылмыстық істер жөніндегі сот алқасы іс материалдарын зерделей келе, бірінші сатыдағы соттың қорытындысын заңды және негізді, ал К.-ның кінәсін дәлелденген деп таныды. Апелляциялық шағым қанағаттандырусыз қалдырылды, сот үкімі өзгеріссіз қалдырылды», - деп хабарлады Жамбыл облыстық сотының баспасөз қызметі.