Астана
-6.03°C
Астана
-6.03°C
Ақтөбеде аулаға жүгіріп шығып, ойын алаңына қарай беттеген 3 жасар қыз көлік астына түсіп қалды. Рөлде болған адам ішімдік ішпеген.
Оқиға Ақтөбе қаласы Есет батыр тұрғын алабында болды.
Облыстық ПД баспасөз қызметінің хабарлауынша, 29 жастағы жүргізуші ішімдік ішпеген.
— 1 желтоқсан күні сағат 15:20–да Toyota көлігінің жүргізушісі 2021 жылы туған қыз баланы қағып кетті. Қазіргі кезде бала ауруханада. Осы оқиғаға байланысты Қылмыстық кодекстің 345-бабы бойынша іс қозғалды, тергеу жүріп жатыр, — деді Ақтөбе облыстық ПД баспасөз қызметі.
Қазіргі кезде көлік айып тұрағына қойылды. Ал дәрігерлер баланың жағдайы туралы айтты.
— Ауруханаға әкелген бойда қабылдау бөлімінен соң реанимация және қарқынды емдеу бөліміне жатқызылды. Жалпы жағдайы дұрысталғаннан кейін травматология бөліміне ауыстырылды. Жағдайы ауыр. Бас-ми жарақаты, мидың шайқалуы бар. Жамбас сүйегі сынған. Баланың қасында анасы бар, — деді облыстық көпсалалы балалар ауруханасының травматолог дәрігері Қуантай Махамбетов.
