Жетісу облысында екі бала жоғалып кетті

Жергілікті тұрғын полицейлерге кәмелетке толмаған екі баланы тез арада тауып бергендері үшін шын жүректен алғысын білдірді, деп мәлімдеді Polisia.kz.

« Ата-аналарының айтуынша, олардың 8 және 10 жастағы балалары күтпеген жерден жоғалып кетіп, олар бірден сақшыларға жүгінген. Іздестіру иттерін іздеуге тартқан кинологиялық қызмет орталығының қызметкерлері көмекке бірден келген. Кинологтар мен олардың төрт аяқты көмекшілерінің кәсіби дайындықтарының нәтижесінде балалар қауіпсіз жерден тез табылып, үйлеріне оралды», – деп қосты ІІМ.

Әсіресе жазда балалар сыртта көп уақыт өткізетіндіктен бұл жағдай қырағылықтың және жауапкершіліктің маңызын көрсетеді, дейді мамандар.