Таразда жеті айлық сәби сақина жұтып қойған

«7 айлық нәресте жұтынудың қиындауы, мазасыздану шағымдарымен ауруханаға түскен. Ата-анасы бала бөгде зат жұтып қойғанын айтқан. Жамбыл облыстық көпсалалы балалар ауруханасының қабылдау бөлімінде кішкентай науқасты хирург кезекші Валиев қабылдады. Аспаптық зерттеу әдістерін қолдану арқылы баланың өңешінен металл зат сақина табылды», - деп хабарлады басқармадан.

Бөтен денені алып тастау үшін хирургиялық ота жасау үшін нәресте шұғыл түрде хирургия бөліміне жатқызылды.

«Мұқият дайындықтан кейін тәжірибелі дәрігерлер – балалар хирургиясының ординаторы Әлімжан Әукенов, анестезиолог Мұратбаевтан құралған операциялық топ операцияны сәтті орындап, емделгеннен кейін бала аман-есен үйіне шығарылды», - делінген хабарламада.

Сонымен бірге, облыстық денсаулық сақтау басқармасы осыған дейін бір жасар баланың моншақ жұтып қойып, ауруханаға түскенін де атап өтті.

«Жедел жәрдем бөлмесінде баланы кезекші хирург Қанат Дүйсебаев, Юсуп Валиев тексеріп, тыныс алу жолдарынан бөгде денені шығаруға операция алдындағы дайындық үшін шұғыл түрде жансақтау бөліміне жатқызылды. Аспаптық зерттеу әдістерін қолданып, баланың бронхында бөгде зат орналасқанын анықтады. Бөгде затты шығару отасы сәтті аяқталды», – делінген хабарламада.