Астана
-6.03°C
Астана
-6.03°C
Қостанай облысы Лисаков қаласында бұрын сотталған ер адам өзінің танысымен жанжал кезінде оған пышақ сұғып алған. Полиция күдіктінің тұрғылықты жеріне келген кезде ер адам 8 қабаттың терезесінен секіріп кеткен, деп хабарлайды Paryz.kz Алау ақпараттық порталына сілтеме жасап.
Зардап шеккен азамат оқиға орнынан ауруханаға жеткізілді.
Полиция қызметкерлері күдікті мен оның тұрғылықты жерін анықтады.
«Полиция тұрғылықты жеріне келгеннен кейін күдікті 8 қабаттың терезесінен секірді. Күдікті алған жарақаттарынан сол жерде көз жұмды. Осы факті бойынша ҚР ҚК 106-бабы және ҚР ҚК 105-бабы бойынша сотқа дейінгі екі тергеу басталды», - делінген полиция департаментінің хабарламасында.
Қайғылды жағдайға куі болған күдіктінің куә болған анасы полицейлерге ұлының бұрын суицидтік мінез-құлқын көргенін айтты. Ол өзіне-өзі қол жұмсау әрекеттері туралы бірнеше рет айтқан.
Тергеу әрекеттері жүргізілуде. Тиісті сараптамалар тағайындалды.
