Кешегі қылмыскер - бүгінгі куәгер

Түрмеде отырған экс-банкир Жомарт Ертаев жаңадан қозғалған қылмыстық іске куә ретінде тартылған.

"RBK банкіндегі қаржы жымқыру ісі" бойынша түрмеде жазасын өтеп жатқан бұрынғы банкир Жомарт Ертаев жаңадан қозғалған қылмыстық іс бойынша тергеуге куә ретінде тартылған. Бұл туралы ҚазТАГ агенттігі хабарлады.

"Тергеуші қылмыстық іс аясында жүргізіп жатқан тергеу амалдарына Жомарт Ертаевты қатыстырып отыр. Ертаевқа "қорғануға хақы бар куә" статусы берілген, оған қандай да бір айып тағылмаған" деген Алматы прокуратурасы баспасөз қызметі агенттікке.