Прямая трансляция

Астана

Астана

0°C

Талдықорғанда тапаншадан оқ атқан бұзақы ұсталды

Басына оқ тиген 21 жастағы жергілікті тұрғын ауруханада жатыр.

Талдықорғанда тапаншадан оқ атқан бұзақы ұсталды
Фото: express-k.kz

Талдықорғанда бұзақыдан пневматикалық тапанша тәркіленді, деп хабарлады Polisia.kz.

Талдықорған қаласы ПБ Шығыс ҚПБ кезекші бөліміне бассейн ауданында төбелес шыққандығы туралы хабарлама келіп түскен. Оқиға орнына жеткен полиция жасағы жастар арасында төбелес орын алғанын анықтады. Басына оқ тиген 21 жастағы жергілікті тұрғын ауруханаға жеткізілген. 

Аталған дерек ҚР ҚК 293-бабының 3-бөлігі 2-тармағы ("Бұзақылық") бойынша тіркелді. 

Полиция қызметкерлері жедел-іздестіру іс-шараларының нәтижесінде, оқ атқан күдіктіні бір сағат ішінде анықтап, ұстады. Талдықорған қаласының 18 жастағы тұрғынынан пневматикалық тапанша тәркіленді. Ол кінәсін толық мойындады. Ұсталған адам оқты бұзақылық ниетпен атқанын және оған қатты өкінетінін жеткізді. Облыстық ауруханада дәрігерлер жәбірленушінің басынан төрт оқ алған. 

Сот-медициналық және басқа да қажетті сараптамалар тағайындалды.