Астана
-9.03°C
Астана
-9.03°C
Нұрсұлтан Назарбаев атындағы халықаралық әуежай 2,2 млн теңге көлемінде айыппұл төледі. Бұл туралы zakon.kz. хабарлады.
Көліктегі бас санитарлық дәрігер Садуақас Байғабылов Нұр-Сұлтан қаласының халықаралық әуежайына «Халықтың санитарлық-эпидемиологиялық салауаттылығы саласындағы талаптарды, сондай-ақ гигиеналық нормативтерді бұзғаны» үшін әкімшілік жаза қолданылғанын айтты. Әуежай 2,2 млн теңге көлемінде айыппұл төледі.
«Бұған елорда әуежайындағы шектеу карантиндік шаралардың сақталмауы себеп болды: жолаушылардың келуі және кетуі үшін бөлек дәліздер ұйымдастырылмаған, ұшуға тіркелу және отыру кезінде жолаушылар арасындағы әлеуметтік арақашықтық сақталмаған, терминалдарда дезинфекциялық төсеніштер орнатылмаған, автобус жүргізушілерінің қолғаптары, кейбірінде маскалар да болмаған», - делінген хабарламада.
Қысқартылған жұмыс мерзімінің аяқталуына байланысты Алматы қаласының халықаралық әуежайына Әкімшілік кодекстің 425-бабының 1-бөлігі бойынша 1600 АЕК айыппұл салынды.
