Алматыда банк бөлімшесіне шабуыл жасалды (ВИДЕО)

Алматыда Kaspi Bank бөлімшесіне жасалған шабуылдың видеосы жарияланды, деп хабарлады paryz.kz.

Видео әлеуметтік желілерде пайда болды.

"Топтарда Kaspi Bank-ке жасалған қарақшылық шабуылдың видеосы тарап жатыр. Бақылау камераларындағы мәліметтерге қарағанда, оқиға кеше Сейфуллин және Гоголь көшелерінің қиылысындағы  бөлімшеде болған", - делінген жазбада. 

Бейнежазбада екі ер адам банк бөлімшесіне басып кіріп, біреуі балтамен әйнекті сындырып, кассадағы ақшаны алып кетеді. Видеода көрсетілген күн мен уақытқа қарағанда, оқиға 15 қазанда кешкі сағат 7-де Сейфуллин даңғылындағы банк бөлімшесінде болған. Бұл ғимаратта Kaspi Bank бөлімшесі орналасқан.

Банк өкілі осы жағдайға қатысты пікір білдірді. 

"Бейсенбі, 15 қазанда Алматыда екі қарулы тонаушы Kaspi.kz бөлімшесіне шабуыл жасады. Жұмыс күні аяқталып қаған еді, бөлімшеде клиенттер болмаған. Белгісіз біреулер қару-жарақпен қорқытып, алдын ала мәліметтер бойынша 2 миллион теңгеге жуық ақшаны алып кеткен. Бақытымызға орай, қызметкерлердің ешқайсы зардап шеккен жоқ. Полиция тез арада келді. Kaspi.kz қауіпсіздік қызметі құқық қорғау органдарымен белсенді жұмыс істейді. Қылмыскерлер заң бойынша табылып, жазаланады", - деп хабарланды банктен.