Нұрлан Қоянбаев Тоқаевпен түскен суретін көрсетіп, мақтанды

Оңтүстік Кореяда ресми іс-шараға қатысқан әзілкеш Нұрлан Қоянбаев Қасым-Жомарт Тоқаевпен түскен суретін көрсетті деп хабарлайды Paryz.kz.

Бұл туралы Қоянбаев желідегі парақшасында жазды. 

Қазақстан – Оңтүстік Корея елдерінің ресми делегация мүшелерінің қатысуымен Оңтүстік Корея президентінің резиденциясында Мемлекет басшысы Қасым-Жомарт Тоқаев пен президент Мун Чжэ Ин келіссөздер өткізді.

Қазақ-корей мәдениетіне көпір болу мақсатымен Оңтүстік Корея нарқындағы беделді "Big Ocean" компаниясымен екіжақты келісімге қол қойдық.

Қазақ мәдениеті мен өнері алты құрлыққа таралып, айтары мен алар асқары биік болса – шығар белесіміздің де шарықтайтыны хақ! Өнер деп соққан қазақ жүректер көп болсын! – деді ол.

Қоянбаевтың әріптестері мен оқырмандары ол үшін қуанып қалғандарын жеткізді. 

"Тек қана сәттілік", – деп тілек білдірді актриса Әсел Сағатова. 

"Нұреке, молодец, қазақ өнері мен мәдениетін дамытатын өздерің сияқты өнер адамдары болуы керек", "Биіктен көрінуіңе тілектеспін, керемет!", "Нұрлан, красавчик қазақ елі сенімен мақтана аламыз", – деп жазды оқырмандар.