Оралдықтар ашық аспан астында кино көрді

Айта кету керек, бұл шарада кино арнайы аутотұрақта көрсетіледі. Өйткені карантин талаптарын  толық сақтауға мүмкіндік беретін жаңа форматтағы демалыс – киносүйер  қауымға таптырмас мүмкіндік. 

- Аутокинотеатр – аутокөліктегі көрермендерге фильм көрсетуге арналған. Бұл кинотеатрдың ерекшелігі, көрермен үлкен экранмен жабдықталған алаңда көлігінен шықпай-ақ, басқа адамдармен байланыссыз фильм қарау мүмкіндігіне ие болады. Дыбыс белгілі радиожиілігі арқылы беріледі. Сондай-ақ бұл кинотеатр карантин талаптарын толық сақтауға мүмкіндік береді. Өткен жылы үш жүзден астам адам кино қарауға келсе,  биыл да сол үдеден шықты, - деп атап өтті жастармен жұмыс жөніндегі ресурстық орталық қызметкері Назерке Құрамысова.

Алдағы уақытта  ашық аспан астында, таза ауада ұйымдастырылатын өзге де іс-шаралар  қолға алынатын болады.

Жұбан МҰРАТ,

Орал қаласы