Желіде «Дикий Арманның» ұсталған ВИДЕОСЫ тарап жатыр

Инстаграмдағы Аstana_typical парақшасында қылмыс әлемінің серкелері ұсталған видео жарияланды деп хабарлайды Paryz.kz. 

Бейнеде мейрамханада отырған бір топ жігітті арнайы қызмет формасындағы адамдар ұстап, сыртқа шығарғаны көрсетілген.

Кейбір мәліметтер бойынша жедел-іздестіру іс-шаралары барысында Нұр-Сұлтан қаласының полициясы «Дикий Арман», «Семский», «Алиба» - басты қылмыс әлеміндегі беделділер, сондай-ақ, олардың айналасындағы адамдар тобын ұстады. Белгілі болғандай, «Дикий Арман» атанған Арман Жұмагелдиев елордаға қонаққа келген. Алиби тарапы оларды қарсы алған. Қымбат мейрамханадағы олардың кездесуінің шырқын арнайы жасақ келіп бұзған. Олардың барлығы алдын алу шаралары үшін полиция бөліміне жеткізілді, - деп жазады пост авторы.