Түркістан облысының шенеуніктері жұтпен күресіп жатқан еріктілердің жолын бөгеп жатыр (ВИДЕО)

Түркістан облысының еріктілері Маңғыстау фермерлеріне көмек ретінде жинаған шөп әкімдік кедергілеріне байланысты жіберілмей жатыр деп хабарлайды Paryz.kz, "Литер" басылымына сілтеме жасап.

Еске сала кетсек, түркістандық Құрмет деген азамат Маңғыстау фермерлеріне көмек ұйымдастыруды қолға алған еді. Ол көпшілікке шөп шауып, оны мұқтаж аймақтарға жіберу туралы бастама көтерген болатын.

Тағы оқи отырыңыз: "Әр қазақ - менің жалғызым": қара халық қамыс орса да Маңғыстауға көмек беруде (ВИДЕО)

Алайда, шымкенттік белсенді Айжан Жолдасованың айтуынша, облыс әкімдігінің шенеуніктері Құрметтің жем-шөпке мұқтаж өңірге көмек беруіне кедергі келтіріп отырған көрінеді. 

Мұның бәрі тегін, тек ынтамен жасалды. Құрмет жергілікті әкімдікпен келісіп, жіберілетін шөп көліктерінің жабдықтарына көмектесуге тырысты. Шенділер «Қазақстан темір жолында» қолдау көрсетеміз деп уәде еткен. Оған көрші аудандардың тұрғындары да шөп әкеле бастады, – дейді ол.

Алғашқы 10 көлік шөп жіберілгенімен, қазір облыс әкімдігінің деңгейінде проблема туындап отыр екен.

Жүк көліктері Арыс қаласына келгенде, жергілікті әкімдік қызметкерлері шөптің бәрін түсіруді өтініп, оны өздері Арыс әкімдігінің атынан ары қарай алып кететіндіктерін айтты. Яғни, олар біреудің жұмысына жармасып отыр. Бұл жағдай еріктілердің ашуын туғызды. Олар бұл ұсыныстан бас тартты. Кейін әкімдік жиналған шөпті алып кетуді талап етті, – дейді белсенді.

Оның айтуынша, шөп қайтадан жүк көліктеріне тиеліп, ең жақын елді мекен – Сарыағашқа жеткізілген. Нәтижесінде, қазірдің өзінде теміржолдарда үлкен мөлшерде шөп жиналды, жақын маңда ағаш қоймасы мен жанармай құю бекеті орналасқан. Егер бірдеңе болса, мұның бәрі ауаға ұшып кетуі мүмкін.

Енді, ҚТЖ вагондардың ақысын сұрай бастаған. Бірақ олар тегін көмектесеміз деп уәде еткен. Осылайша, әр вагон еріктілерге шамамен 800 мың теңгеге бағаланды.

Жолдасова белсенділерде қазір ондай ақша жоқ екенін атап өтті, өйткені шөптің өзі азаматтардың елдің түкпір-түкпірінен картаға жіберген қаражатымен жиналды.

Қарама-қайшы жағдай қалыптасты: еріктілер өз күштерімен жинаған мал азығын шенеуніктер жасаған кедергілерге байланысты жібере алмай отыр.