Оралда 10 өзіне-өзі қызмет көрсету бұрышы ашылды

Мемлекеттік қызметтердің қолжетімді болуы үшін Орал қаласының оқу орындары, мемлекеттік мекемелері және «Citycenter» ойын-сауық орталығында өзіне-өзі қызмет көрсету секторлары ашылды.

«Азаматтарға арналған үкімет» мемлекеттік корпорациясының Батыс Қазақстан облысы бойынша филиалының директоры Надир Құрымбаевтың айтуынша, короновирус инфекциясының таралуын болдырмауға мейлінше жағдай жасалуы керек. "Ақпараттық даму, инновациялар және аэроғарыш өнеркәсібі министрі Бағдат Мусиннің және облыс әкімі Ғали Есқалиевтің тікелей тапсырмасы бойынша аталмыш өзіне-өзі қызмет көрсету секторлары қаламыздың әр жерде орналасқан аудандарынан ашылып отыр. Бұл секторлар электрондық қызметтерді халыққа қызмет көрсету бөлімдеріне жүгінбестен, өз бетімен алуға мүмкіндік береді. Сол арқылы ХҚО бөлімдерінде адамдардың көптеп жиналуын болдырмауды көздеп отырмыз», - дейді Н.Құрымбаев.

Аудандық ХҚО бөлімдерінде өзіне-өзі қызмет көрсету бұрыштары бұрыннан да жұмыс жасайды. Ауылдық округтерде электрондық қызметтерді жергілікті әкімдіктен алуға болады.

Бүгінгі таңда 70-тен астам қызмет түрін eGov mobile қосымшасы арқылы алуға болады. Қосымшаны Google Play немесе AppStore арқылы жүктеп алып, тіркелу кезінде ЭЦҚ алса болады. eGov mobile-дағы«Екпе паспорты» қазіргі күні ең өзекті сервис саналады. Кез келген сұрақ бойынша 1414 байланыс орталығына хабарласып, «Азаматтарға арналған үкіметтің» мамандарының кеңесіне жүгінуге болатынын ескертеміз.

Анықтама үшін: Қазіргі таңда мемлекеттік қызметтер тізіліміндегі 687 қызметтің 91,5% электрондық үкімет порталы egov.kz арқылы қолжетімді.

Мекеменің атауы	Мекенжайы	Жұмыс кестесі
Орал қ. Мемлекеттік кірістер басқармасы	Некрасов көш. 30/1 Салық комитеті аялдамасы	Дүйсенбі мен жұма аралығында сағат 10.00-ден 18.00-ге дейін, түскі үзіліс сағат 13.00-ден 14.00-ге дейін.
Орал қ. Тұрғын үй-коммуналдық шаруашылығы, жолаушылар көлігі және автомобиль жолдары бөлімі	Қ.Аманжолов көш. 69/1 Банк аялдамасы	Дүйсенбі мен жұма аралығында сағат 10.00-ден 18.00-ге дейін, түскі үзіліс сағат 13.00-ден 14.00-ге дейін
М.Өтемісов ат.Батыс Қазақстан университеті	Н.Назарбаев ат.даңғыл 162 Пединститут аялдамасы	Дүйсенбі мен жұма аралығында сағат 10.00-ден 18.00-ге дейін, түскі үзіліс сағат 13.00-ден 14.00-ге дейін
Жәңгір хан ат.Батыс Қазақстан агро-техникалық университеті	Жәңгір хан көш. 51 БҚАТУ (Агроуниверситет) аялдамасы	Дүйсенбі мен жұма аралығында сағат 10.00-ден 18.00-ге дейін, түскі үзіліс сағат 13.00-ден 14.00-ге дейін
Ж.Досмұхамедов ат. Педагогикалық колледж	8-Март көш. 198/1 М.Мәметова аялдамасы	Дүйсенбі мен жұма аралығында сағат 10.00-ден 18.00-ге дейін, түскі үзіліс сағат 13.00-ден 14.00-ге дейін
Құрманғазы ат. Музыкалық колледж	А.Құсайынов 38 Ахмедияр батыр аялдамасы	Дүйсенбі мен жұма аралығында сағат 10.00-ден 18.00-ге дейін, түскі үзіліс сағат 13.00-ден 14.00-ге дейін
«Жоғарғы агро-техникалық колледж» МКҚК	Т.Масин көш. 48/1 Л.Толстой аялдамасы (Құрманғазы көш.)	Дүйсенбі мен жұма аралығында сағат 10.00-ден 18.00-ге дейін, түскі үзіліс сағат 13.00-ден 14.00-ге дейін
Орал ақпараттық технологиялар колледжі	А.Каримуллин көш. 2/1а 5 лицей аялдамасы	Дүйсенбі мен жұма аралығында сағат 10.00-ден 18.00-ге дейін, түскі үзіліс сағат 13.00-ден 14.00-ге дейін
«Отбасы банк» АҚ филиалы	С.Датов көш. 28 Құрылысшы аялдамасы	Дүйсенбі мен жұма аралығында сағат 10.00-ден 18.00-ге дейін, түскі үзіліс сағат 13.00-ден 14.00-ге дейін
«City center» ОСО, 2-қабат	Абай даңғылы 101 Әмбебап дүкен аялдамасы	Дүйсенбі мен жұма аралығында сағат 10.00-ден 18.00-ге дейін, түскі үзіліс сағат 13.00-ден 14.00-ге дейін