Шарын шатқалындағы қайғылы жағдайға байланысты екі қылмыстық іс қозғалды, деп хабарлайды Paryz.kz, Алматы облыстық ПД баспасөз қызметіне сілтеме жасап.
"Екі қылмыстық бап (306 - бап 3-б.және 141-бап 2-Б.) бойынша тергеу басталды. Олар: 306-баптың 3-бөлімі - абайсызда кісі өліміне әкеп соққан қауiпсiздiк талаптарына сай келмейтін тауарларды шығару немесе сату, жұмыстарды орындау не қызметтер көрсету, 141-баптың 2-бөлімі - абайсызда жас баланың өліміне әкеп соққан балалардың өмiрi мен денсаулығының қауiпсiздiгiн қамтамасыз ету жөнiндегi мiндеттердi тиісінше орындамау", - деп атап өтті ведомстводан.
Естеріңізге сала кетсек, 29 мамыр күні Алматы облысының Шарын шатқалында сел жүріп, 2 адам қаза тапты. Сондай-ақ 1 адам із-түзсіз жоғалып, тағы 6 адам зардап шеккен еді. Шарындағы селден қыз бала құтқарылған болатын.