Астана
-1.03°C
Астана
-1.03°C
Актер Серік Шәріптен зорлық-зомбылық көргенін әнші Say Mo да мойындады. Ол ешбір растайтын дәлелі болмаған соң, бұл туралы айтуға қорқыққан, деп хабарлайды paryz.kz.
«Шынымды айтсам, таңқалып тұрған жоқпын. Ол жігіттен талай хоррор көріп ем 5 жыл бұрын, екі күнге дейін терапиядамын. Менде сол кезде қолымда дәлел болмағандықтан, ашық осы тақырыпты қозғауға қорыққан болғанымын, себебі оның анасы адвокат. Оған қоса, мені бәрі кінәлап, одан бетер кейбір таныстарым менен беттерін бұрған», — дейді әнші.
Оның айтуынша, Вавилон тұрғын үй алдында актер оған қол көтерген.
«Бірақ мен тұрғын үй кешеніне хабарласып видеоны ала алмадым. Ал сол түні әрі қарай не болғанын айтып бастасам ұзақ және қорқынышты. Айтайын дегенім, қыздар «Менімен ол ондай болмайды, оны өзгертемін» деп ойлайды. Бірақ біздің көріп отырғанымыз осы», — деді ол.
Әншінің айтуынша, мұндай адамдардың анасы да сондай болады.
«Қыздар мұны түсінсе екен: абьюзерлердің эгосы шектен тыс жоғары, олар өздерін ешқашан кінәлі санамайды. Сондықтан олар ешқашан өзгермейді, өйткені өздерін мінсіз деп есептейді – аналары да солай ойлайды, айтпақшы», — деді ол.
