«Харам, тозақ, шариғатпен қорқытады»: Журналист діннің қауіпті құралға айналғанын айтып, дабыл қақты

”Көп жігіттер қыздарға дін арқылы манипуляция жасайды. Тозақты, шариғатты, харамды, құдайды, құранды айтып қорқытады. Жалпы дін ол үшін берілмеген. Дін мейірім, ізгілік, ақ ниет, қамқорлық деген ұғымдардан тұрады. Ал оны басқаға манипуляция құралы ретінде қолдану дұрыс емес деп есептеймін. Осы ретте қарындастарыма айтарым — қорықпаңыздар. Тозаққа күйіп кетпейсіздер. Ол үшін құдай сендерді қарғамайды, діннен шығып кетпейсіздер. Есі дұрыс жігіт қарым-қатынасқа құдайды араластырмайды. Құдайдан қорықпағаннан қорық дейді, Құдайдан қорықпай, сізге діни манипуляция жасап, шариғи дүниелерді тықпалап жатса, сіз де құдайдан емес, адамнан қорықпаңыз. Көп інішіктерден байқаймын, діни манипуляция жасап, шариғат пен сүннетті айтып, қызға күштеп орамал таққызып қояды. Одан бөлек түрлі шектеулер қояды. Ол жігіттің бойында не діни білімі жоқ, не анда емес, не мында емес. Бірақ сол дінді қызға қолданғанда шебер. Қыздар, сыни ойланыңыздар. Сыни ойлау — Аллаға қарсы шығу деген сөз емес. Ішкі фильтрлеріңіз болсын. Кез келген нәрсеге екі шұқып, бір қараңыздар. Әсіресе, дін тақырыбына келгенде. Себебі, кейде адамды шырмап тастайды. Қысқасы, жігіттер ондайды қою керек. Ал, қыздар сақ болу керек. Қыздарды бүйту керек, әйелдерді сүйту керек деген нәрсе қыз бен жігітті былай қойғанда, мемлекеттік идеология деңгейіне дейін көтеріліп кеткен. Кез келген саяси, мәдени, діни идеологиялық репрессиялар әйелдерді құрбан етуден басталады. Ал олар осындай қарапайым қарым-қатынастан көрінеді”, — дейді ол.

Желі қолданушылары бастарынан өткен оқиғаларымен бөлісіп, шынында діни манипуляция жасайтын жігіттердің көбейгенін жазуда.

”Осыған ұқсас оқиға менің де басымнан өткен. Жігітім машина айдаған харам, бұл темір сені тозаққа апарады деп қорқытты. Қазір араласпаймыз”, “Маған де бір кездері сөйлесіп жүрген жігітім шетелге күнәхарлар шығады деп миымды улаған”, “Бір адам айтты-ау, көп қыздардың басы айналып қалып жатыр”, — деп жазды олар.