Астана
-6.03°C
Астана
-6.03°C
Тәжікстан заңдарына сәйкес, бойжеткен 18 жасқа толғаннан кейін ғана тұрмысқа шыға алады.
Душанбенің Сино аудандық соты 12 жастағы жасөспіріммен неке қиған 46 жастағы Давлатманд Касиров атты жергілікті тұрғынды үш жылға түрмеге қамады, деп жазады centralasian.org.
Сотта қыздың құқығын қорғаған "Құқықтық бастама" қоғамдық ұйымының адвокаты айыпталушы "Жасы кәмелетке толмаған қызға азғындық әрекеттер жасау" бабы бойынша кінәлі деп танылғанын білдірді.
Касировтың жақындары сотта "ол қызбен жыныстық қатынасқа бармағанын", үкімге қарсы екенін айтқанын жеткізді. Оның адвокаты сот шешіміне қарсы шағым беретінін айтқан.
Былтыр тамызда Тәжікстанның ішкі істер министрлігі Давлатманд Касиров 12 жастағы қызды алдап, әке-шешесіне айтпастан некесін қиғанын хабарлаған. Тәжікстан заңдарына сәйкес, бойжеткен 18 жасқа толғаннан кейін ғана тұрмысқа шыға алады.
