«Байларыңызды байлап ұстаңыздар»: Әнару Құрманәлі тағы да елді шулатты

Әнару Құрманәлі әйелдерге жолдастарына дұрыс қарамайтынын айтып, сын тақты.

«Маған әрдайым әйелі бар еркектер келеді, ал олардың әйелдері маған хат жазып, кінәлап жатады. Мүмкін, менің тазалығым мен сиқырлы күшім тартатын шығар. Байларыңызды жақсылап арқандап, байлап ұстаңыздар! Өз арсыздықтарыңызды менен көрмеңіздер. Егер сендер таза, адал әйел болсаңдар, күйеулерің басқа жақтан «ақ, таза» қыз іздемес еді», – деп жазды ол. 

Әлеуметтік желі қолданушыларының бірі «Бұл – қақпан. Әйелі сізге әдейі жала жабу үшін ұйымдастырып отырған болуы мүмкін» деген пікір қалдырды. Әнару бұл пікірмен келісетінін, сондай-ақ әлгі әйелден көп қорлық көргенін жасырмады.

 «Иә, мүмкін. Ол әйелден көрмеген қорлығым жоқ. Мүмкін, солай шығар. Ол әйелге Алла төреші болсын», – деп жазды ол.

Айта кетейік, осыған дейін Жанқош Тұраровтың қыз зорлады деген күдікке ілінгені, кейін жала жапқаны үшін боксшының өзі оның үстінен арыз жазғаны хабарланған болатын.