Астана
1°C
Астана
1°C
Жазушы, әдебиет сыншысы, Мемлекеттік сыйлықтың иегері Құлбек Ергөбек Adal Adal youtube арнасына берген сұхбатында халықтық тұлғаларды рулық, аймақтық деңгейге түсірмеу керек екенін айтты, деп хабарлайды Paryz.kz.
«Бір өңірден ұлы адам шықса, соны «менің көкем», «менің ағам», «менің жекжатым еді» деп, жақын тартып, жазып, дәріптеп жүріп, оны халықтық тұлға деңгейінен айырып, бір ауылдың тұлғасы ғып жіберуге шақ қаламыз. Жұмабек Тәшенов жайында неге солтүстік Қазақстан тебіреніп сөйлеуі керек? Димекең туралы айтсақ, неге Жетісу ғана мақтану керек? Асанбай Асқаров жайлы айтсақ, неліктен тек жамбылдықтар ғана мақтану керек? Өзбекәлі Жәнібеков жайында сөз шыға қалса, Түркістаны мақтану керек. Неге ондай? Сонда ол кісілер бір өңірге ғана қызмет етті ме, бір ру, бір жүздің ғана жүгін арқалады ма? Осыны түсінбеймін», - деді жазушы-ғалым.
