Астана
-5.03°C
Астана
-5.03°C
Түркістан облысының 100 жастағы тұрғыны Тахира Құрбанова TikTok жұлдызына айналды. Ғасыр жасаған әже немерелерін бағып, келіндеріне білгенін үйретіп жүр. Қырықтан астам немере мен 80-нен астам шөбере тәрбиелеп отырған ол желіде миллиондаған қаралым жинайды. Бұл туралы paryz.kz «Отырар» басылымына сілтеме жасап хабарлайды.
Тахира Құрбанова Қазығұрт ауданында тұрады. Ол бүгінде әлеуметтік желіде көпшіліктің көзайымына айналған. Әжей «ұзақ өмір сұрудің құпиясы – белсенді өмір сүру» дейді.
«Мен жас кезімде бәрін істедім. Қазір күш жоқ, бала тербетіп отырамын. Бие де саудым, сиыр да саудым. Құрт та, май да істедік. Бақыттымын», - дейді ол.
Бүгінде кейуананың 40-тан астам немересі мен 83 шөбересі бар. Ал жас кезінде ол киім-кешек, көрпе-төсек тігіп, кейіннен дүкенде сатушы болған.
Зейнетке шыққан соң өмірін өзінің сүйікті ісіне, балаларының тәрбиесіне арнаған. Тахира Құрбанова қыздары мен жиендерін сағынғанда тіпті өзі барып, мауқын басып келетінін айтады.
Ол алдағы уақытта шөберелерінің тойын көріп, шөпшек сүюді армандайды.
