Атырау облысында жақындарынан жәбір көрген 840 әйел полицияға арызданған

Орталық қызметкерлері 450 әйелге 116 заңгерлік, 55 психологияық және 279 әлеуметтік көмек көрсеткен.

Атырау облысында жақындарынан жәбір көрген 840 әйел полицияға арызданған
фото: inform.kz

Атырау облысында отбасы-тұрмыстық қатынастар саласындағы құқық бұзушылықтарға жол бермеу мақсатында 26 ақпан – 1 наурыз аралығында "Тұрмыс" республикалық жедел-алдын алу іс-шарасы өткізілуде, деп хабарлады Polisia.kz.

2020 жылдың 12 айында ішкі істер органдарының қызметкерлері тұрмыстық зорлық-зомбылықтан зардап шеккендерге көмек көрсету орталықтарына жақындарынан зардап шеккен 25 әйелді және олардың кәмелетке толмаған 54 баласын орналастырды. Қазір аталған орталықта 4 әйел мен 8 кәмелетке толмаған бала бар. Орталық қызметкерлері 450 әйелге 116 заңгерлік, 55 психологияық және 279 әлеуметтік көмек көрсеткен.

Өңір полицейлері отбасылық-тұрмыстық қарым-қатынастар саласындағы құқық бұзушылықтардың алдын алу мақсатында үкіметтік емес ұйымдардың өкілдері мен еріктілерді тарта отырып, тұрғындар арасында түсіндіру жұмыстарын жүргізеді, қоғамдық орындарда жадынамалар таратады.

Іс-шара барысында тәртіп сақшылары осыған дейін тұрмыстық зорлық-зомбылық құрбандарына арналған орталықты уақытша паналаған. Кейін мекенжайын өзгерткен әйелдердің қазіргі жай-күйін, тұрмыс-тіршілігін білу мақсатында олардың мекенжайларын аралайды.