Астана
2°C
Астана
2°C
"Балалар қалайша онлайн оқыды екен?" - дейді заңгер.
Заңгер Айгүл Орынбек Facebook-тегі парақшасына Қызылорда облысының ауылдарына интернет қосылмағанын өз көзімен көргенін жазды, деп хабарлады paryz.kz.
"Интернет қайда, Мамин? Қызылордадан қайтып келе жатып, жолда кез келген ауылдың ішіне кіріп көргім келді. Премьер-министр тарапынан 99% интернетпен қамтылған деген ақпарат берілген соң, бүкіл ауыл-аймақта интернет ұстап тұр деп ойлайтын шығар Президентіміз! Бірақ бұл ақпарат өтірік. Мысалы мына Екпінді ауылдық округінде тіпті "Е" деген белгі шықпайды. Яғни бүкіл байланыс операторлары ұстамай тұр!" - дейді Айгүл Орынбек.
Айтуынша, ол әдейі мектеп жанына барып, сол жерден тікелей эфирге шыққысы келген. Алайда, ол маңда да ондай мүмкіндік болмапты.
"Ауыл-аймақты 100% интернетпен қамтып қойдық деген бла-бла әңгімелеріңді мына ауыл тұрғындарына келіп айтсаңдар, күлетін шығар. Балалар қалайша онлайн оқыды екен?" - дейді таңданысын жасыра алмаған заңгер.
