Қазақстандық спортшы ресейлік клубқа ауысты

Қазақстандық футболшы Исламбек Қуат Ресейдің «Химки» командасында ойнайтын болды

Қазақстандық спортшы ресейлік клубқа ауысты
сурет fckhimki.com сайтынан

ҚазАқпараттың хабарлауынша, футболшы ресми түрде ресейлік команданың құрамына қосылды. Бұл жөнінде «Химки» клубы хабарлады. Мәлім болғандай, ол медициналық комиссиядан сәтті өткен. «Химки» клубы 12 қыркүйекте Екатеринбургтің «Урал» командасымен кездеседі.

Исламбек Қуат 1993 жылы Қарағанды облысы Шет ауданы Ағадыр ауылында дүниеге келген. Елімізде «Астана», «Оқжетпес», «Ақтөбе» және «Қайрат» командаларында ойын көрсетті. Биыл Ресейдің «Оренбург» клубының намысын қорғады. Сондай-ақ, бүгін футболдан Қазақстан Премьер-лигасында екі ойын өтті.