Астана
-6.03°C
Астана
-6.03°C
Ағымдағы жылы Алматыда өтініш берушілердің 95% -ын оңалту құралдарымен қамтамасыз ету жоспарланып жатыр. Бұл туралы Алматы әкімінің орынбасары Әсем Нүсіпова қала басшысы Ерболат Досаевтың төрағалығымен өткен Алматының инклюзивті ортаны дамыту жөніндегі Кеңесінің I-ші отырысында айтты, – деп хабарлайды Paryz.kz.
«Биылғы жылы біз ерекше қажеттіліктері бар адамдарды оңалту құралдарымен қамтамасыз ету бойынша келіп түскен барлық өтініштердің 95% -ын қамтуды жоспарлап отырмыз. Осы мақсатқа биыл 1,3 млрд теңге бөлінді, нәтижесінде оңалтудың инновациялық техникалық құралдарымен кемінде 400 адам қамтамасыз етіледі», – деді Әсем Нүсіпова.
2023 жылы Алматы әкімдігі ерекше қажеттіліктері бар 433 адамды 1 390 млн. теңге сомасына инновациялық техникалық құралдармен қамтамасыз етті. Олардың ішінде: 150 протез, 200 отыратын арба, 76 сөйлеу процессоры және 7 сүйек өткізгіштігі бар есту аппараты.
Бұған дейін Алматы қаласының әкімі Ерболат Досаев оңалту құралдарын жеткізушілерді таңдау бойынша мемлекеттік сатып алу туралы заңдағы өзгерістерге қатысты түсініктеме беріп, ерекше қажеттілігі бар адамдар үшін оңалту құралдарын сатып алу кезінде сапалы жеткізушіні таңдай алатынын айтқан болатын.
Ал Наурызбай ауданының тұрғыны «Жол картасы бағдарламасы аясында өткен жылдың қараша айында біз көпфункционалды арба алдық. Қала әкімінің, Наурызбай ауданы әкімінің аппаратына алғысымды білдіремін. Бұл арба менің баламның көптеген қажеттілігін өтеді: басын, денесін, аяғын ұстап тұрады. Оның емдік әсері бар. Бұл сапалы гаджет, қазір ол баламның оңалуы үшін өте маңызды. Жеткізушілерді таңдаған кезде олар ұсынатын тауарлар мен қызметтердің сапасына назар аударуды сұрағым келеді» деген болатын. Бұл сұраққа Алматы әкімі балаларға оңалту құралдарын сатып алу тәсілдерін қайта қарастырғанын, ата-аналарға ыңғайлы және қажетті терапиялық әсер ету үшін заманауи арбаларды сатып алуды тапсырғанын айтқан болатын.
«Былтыр 1,3 млрд теңге бөлінді, оңалту құралдарымен 433 адам қамтылды, биыл осындай сома көзделген, қарқынды төмендейміз. Жеткізушілерді таңдауға келсек, сапа критерийі бойынша таңдау үшін Еңбек және әлеуметтік қорғау министрлігіне ұсыныстар енгіздік. Қазір мемлекеттік сатып алу аясында біз баға ұсыныстарымен шектелеміз, бірақ министрлік бізді қолдайды деп үміттенемін және балаларымыз бен мүмкіндігі шектеулі ересектер үшін ең сапалысын сатып аламыз», – деді Ерболат Досаев.
