Биыл халық санағы онлайн түрде өтеді

Қазақстандықтар халық санағына онлайн арқылы қатыса алады, деп хабарлады paryz.kz.

2021 жылғы санақтың айрықша ерекшелігі болып табылатын жаңашылдықтар жайлы Қазақстанның ұлттық санағы жөніндегі арнайы комиссияның алғашқы отырысында талқыланды.

Премьер-министрдің бірінші орынбасары Әлихан Смайыловтың төрағалығымен өткен арнайы комиссия санақ науқанын дайындау мен өткізудің негізгі ұйымдастырушылық және мазмұндық мәселелері шешімімен айналысады. Халықтың саны, жасы, гендерлік құрамы, урбанизация дәрежесі, табыс деңгейі туралы жинақталған мәліметтер тексеріліп, зерделенген, негізделген басқарушылық шешімдерді қабылдауға негіз болады.

ҚР халық санағын 2021 жылдың 1 қыркүйегінен онлайн бастау туралы шешім қабылданды. Ол 2021 жылдың 15 қазанына дейін sanaq.gov.kz сайтында жүргізіле беретін болады. Оған қолжетімділік тәулік бойы қамтамасыз етіледі. Қазақстандықтар өздері және отбасы мүшелері үшін сауалнаманы толтыру арқылы санаққа өздігінен қатыса алады.

Комиссия онлайн-санақ кезінде ақпараттық қауіпсіздік қамтамасыз етіледі деп сендіреді. Ұлттық қауіпсіздік комитетінің көмегімен хакерлік шабуылдардың алдын алу үшін халық санағы бойынша ақпараттық ресурстарға тәулік бойы бақылау жасалады.

Сонымен қатар Смайылов sanaq.gov.kz веб-сайтын Egov.kz веб-порталымен интеграциялау қажеттілігін атап өтті.

Халықты дәстүрлі түрде санаққа тіркеу үшін үй-үйді аралау 2021 жылдың 1 қазанынан 30 қазанына дейін қажетті санитарлық нормаларды сақтай отырып, жүзеге асырылады. Онлайн санағына қатыспағандар қамтылады.

Санақты тіркеушілерге планшеттер үлестіріп беріледі. Бұл адам факторының деректер сапасына әсерін барынша азайтуға мүмкіндік береді. Арнайы мобильді қосымшаның көмегімен интервьюер барлық кіріктірілген арифметикалық және логикалық басқаруларды ескере отырып, сауалнама жүргізе алады. Жіктеуіштер мен анықтамалықтарды қолдана алады. Алынған деректер тікелей ортақ дерекқорға жіберіледі.

Санақтың сапалы жүргізілуін қамтамасыз ету үшін 2021 жылдың 1 мамырынан 31 желтоқсанына дейін әкімшілік-аумақтық бірліктерді құру, қайта құрылымдау, жою және елді мекендердің құрамдас бөліктерінің атауын өзгерту бойынша ұсыныстарға мораторий енгізу мәселесі қарастырылды.