Қажымұқанның түрлі-түсті ВИДЕОсы жарияланды

Даңқты палуан Қажымұқан Мұңайтпасұлының түрлі-түсті видеосы жарияланды. Видеода балуан өзге әріптестерімен бірге айналып жүріп, камераға түскен. Бейнежазбаны әлеуметтік желіге Қайсар Жанболат жүктеді, деп хабарлады paryz.kz, kznews.kz-ке сілтеме жасап.

Қажымұқан Мұңайтпасұлы 1871 жылы Ақмола уезі Қараөткел болысына қарасты Қоспа елді мекенінде дүниеге келген. Жастайынан ел арасында қазақ күресіне қатысып, "бала балуан" атанған. Омбыдағы цирктің ашылуынан хабардар болған Мұқан 1889 жылы атбасын осы қалаға бұрып, Злобин балуанмен күш сынасып, жеңісті қанжығасына байлады.

Злобиннің ақыл-кеңесіне сүйеніп, Петербордағы Тадевско-Лебедев атындағы мектепте француз күресін меңгереді. 1890 жылы Киев қаласында өткен халықаралық турнирде белдеседі. 1910 жылы алғаш рет Оңтүстік Америка құрлығына қарай жол тартады. Аргентина астанасы Буэнос-Айрес қаласында еркін күрестен бақ сынайды. Нәтижесінде, Америка чемпионы атанады.

1911 жылы Ыстамбұлда түріктің атақты балуаны Нұрлығаны жеңгені үшін "қажы" атағын иеленіп, Қажымұқан есімімен көпшілікке танылады. Екінші дүниежүзілік соғыс кезінде ел аралап, цирк өнерін көрсетіп, 100 мың сомдай ақша тауып, оған тікұшақ жасатып, майданға жібереді. Қазақ халқының тарихындағы тұңғыш кәсіпқой балуан Темірланмен іргелес жатқан Зерделі ауылында (қазіргі "Қажымұқан" ауылы) дүниеден өткен.