100 миллион теңге: Нұр-Сұлтанда алаяқ 50 тұрғынды алдап кетті

Нұр-Сұлтанда алаяқ 50 адамның 100 миллион теңгесін қолды етті, деп хабарлады paryz.kz, polisia.kz-ке сілтеме жасап.

Нұр-Сұлтан қаласының полиция қызметкерлері алаяқтық жасады деген күдікпен елорданың 49 жастағы тұрғынын ұстады. Тергеу барысында соңғысы алаяқтық үшін бұрын қылмыстық жауапкершілікке тартылғаны анықталды.

2017 жылы Қостанай қаласынан Нұр-Сұлтан қаласына "Берекелі баспана" тұрғын үй кооперативін қайта тіркей отырып, әйел үш ай ішінде табысын растамай және мүлікті сатып алмай, жылжымайтын мүлік құнының 20-30% бастапқы жарнасын алдын ала төлей отырып, тиімді шарттарда пәтер сатып алуды ұсына отырып, пайшы азаматтарды тарта бастады.

Ақшаны алғаннан кейін әйел өзіне алған міндеттемелерін орындамады. Жеңілдік шарттары мен кооператив атауы көптеген адамды қызықтырды. Бүгінгі таңда полицияға 100 миллион теңгеге алданып қалған 50-ге жуық тұрғын жүгінді. Полиция қызметкерлері тергеу барысында зардап шеккендердің саны артуы мүмкін екенін жоққа шығармайды. Аталған факті бойынша ҚР ҚК-нің 190-бабы ("Алаяқтық") бойынша қылмыстық іс қозғалды. Күдікті тергеу изоляторына қамалды. Тергеу амалдары жүргізілуде.

"Аталған адамның әрекетінен зардап шеккен азаматтарды Нұр-Сұлтан қаласының Полиция департаментіне немесе 71-66-11, 71-66-10, 71-66-76, 71-66-40 немесе "102" телефондарына қоңырау шалуды сұраймыз", - деп толықтырды полициядан.