Футболшы Еркебұлан Сейдахмет актрисамен некесін қиды
«Қайрат» футбол клубының жартылай қорғаушысы Еркебұлан Сейдахмет актриса Нұрсұлу Ізбасаровамен заңды некесін қиды.
фото: әлеуметтік желіден
Неке қию рәсімі 14 қарашада болды. Бұл туралы «Қайрат» футбол клубы хабарлады.
Еркебұлан Сейдахмет пен Нұрсұлу Ізбасарова неке қиды. Сендерді отбасылық өмірге қадам басып, шаңырақ көтерулеріңмен құттықтаймыз! – делінген хабарламада.
Жас жұбайлар да қуанышты жаңалықты әлеуметтік желідегі парақшаларына жариялады.
Еркебұлан Сейдахмет пен Нұрсұлу Ізбасарова осыдан 6 жыл бұрын танысқан. Футболшы сүйіктісіне тамыз айында Алматыдағы Орталық стадионда «Қайраттың» «Астана» командасымен (1:0) матчта ұсыныс жасаған.
