Қазақстандықтар Лакшми Митталға қарсы петицияға қол жинауды бастады
Қазақстанда «АрселорМиттал Теміртау» компаниясының инвесторы Лакшми Миттал мен менеджер Палаватха Кришнанды жазалауды талап ететін петиция басталды, деп хабарлайды Paryz.kz.
Петиция авторы Самат Айдос президент Қасым-Жомарт Тоқаевқа үндеу жолдаған. Құжатта ер адам соңғы 15 жылда «АрселорМиттал Теміртау» нысандарында 100-ден астам адам қаза тапқанын көрсеткен. Оның үстіне әрбір екінші адам өлімі арнайы «Қазақ бөлімінде» тіркелген.
Біз, петицияға қол қойған азаматтар, «АрселорМиттал Теміртау» компаниясының қожайыны Лакшми Миттал мен менеджері Палаватха Кришнанның қызметкерлердің қауіпсіздігін қамтамасыз етуде әрекетсіздікке барғаны үшін қылмыстық жауапкершілікке тартуды талап етеміз! Сондай-ақ компаниядағы еңбек жағдайын тексеруі тиіс мемлекеттік қызметкерлерді де естен шығармау керек!, – делінген құжатта.
