Алматылық зейнеткер коллекторлардың кесірінен қарызға батқан

Алматы тұрғыны коллекторларға шағымданды. Әйелдің сөзінше, олар алдау арқылы оны қарыздың бір бөлігін өтеуге мәжбүр еткен. Коллекторлар материалдық көмекке уәде берген, бірақ әйел оның орнына қарызға батқан, деп хабарлады paryz.kz, 31 арнаға сілтеме жасап. 

Дәметкен Түркебаева банкке 460 мың теңге қарыз. Тауар алу үшін несие рәсімдеген, бірақ алматылық "барахолкадағы" өрттен кейін төлей алмаған. Дәметкеннің айтуынша, 8 қаңтарда оған қыз қоңырау шалып, өзін әлеуметтік қызметкер ретінде таныстыра отырып, әйелге материалдық көмек ретінде 800 мың теңге бөлінгенін хабарлаған. Дәлел ретінде мониторда Дәметкеннің деректері жазылған фотосуретті жіберген.

"Қыз өзін Әйгерім деп таныстырды, ол ақша жібере алмайтынын айтты, өйткені менің шотым бұғатталған. Ол маған есепшот ашуы керек деп сот орындаушысы Даниярдың телефон нөмірін берді. Бірақ жігіт тағы бір қыздың бар екенін айтты - орталық кеңседегі сот орындаушысы, ол есептік шотты бұғаттан шығара алады екен.  Ал мұның бәрін жасау үшін мен шұғыл түрде 300 мың теңге тауып, өз шотыма салуым керек еді", - деді Алматы қаласының тұрғыны Дәметкен Түркебаева.

Әйел таныстарынан ақша алып, бірнеше сағаттан кейін қайтаруға уәде берді. Бірақ Даметкеннің банк картасын бұғаттан шығармады, сәйкесінше, ешқандай ақша туралы әңгіме болмады. Ал сот орындаушылары мен әлеуметтік қызметкердің оған қоңырау шалған телефон нөмірлері мүлдем өшірілген.

Заңгер Жангелді Сүлейменовтің пікірінше, егер коллекторлар әйелге осындай қарым-қатынас жасаса, шұғыл түрде мұндай кеңселерге бақылауды күшейту қажет.

"Өзіңіздікі сияқты борышкердің де құқықтары мен міндеттерін жасау керек. Борышкер коллектордың не істей алатынын білуі үшін. Бүгінде борышкерлер мұны білмейді", - деді ол.

Қаржыгер Расул Рысмабетовтің айтуынша, заңға тиісті түзетулер қазірдің өзінде Мәжілісте қаралып жатыр. Бірақ кез келген жағдайда қаржы институттары да жауапкершілікті сезініп, коллекторлардың жұмыс әдістеріне жауап беріп, бақылауы керек.

"Ұзақ уақыт бойы коллекторлар банктермен байланысты болды және борышкерлердің ақшасын алу үшін өте жағымсыз шараларға барды. Бұл көбіне этикаға жатпайтын және қатал болды", - деді қаржыгер Расул Рысмабетов.

Алматының қаржылық қадағалау агенттігі жағдайды тексеріп, жағымсыз оқиғаның егжей-тегжейін анықтауға уәде берді. Дәметкен апа ақиқатқа қол жеткізгісі келеді және қаланың қадағалау органына өтініш дайындады.