Алматы облысының тұрғындары полицейлерге қарсы шу шығарды (ВИДЕО)
2020 жылдың желтоқсан айының соңында бұрын сотталған Жансүгіров қаласының тұрғыны (22 жаста) үйлердің бірінде полиция қызметкерлерімен карта ойнауға отырған. Жеңіліп қалғаннан кейін ол асылып қалады...
Алматы облысының Ақсу ауданына қарасты Жансүгіров ауылында жергілікті тұрғындар жас жігіт қаза тапқаннан кейін полиция қызметкерлеріне қатысты шара қолдануды талап етуде, деп хабарлады paryz.kz.
Оқиғаның мән-жайы "Талдыкорганец" YouTube каналында және Instagram парақшасында жарияланған.
2020 жылдың желтоқсан айының соңында бұрын сотталған Жансүгіров қаласының тұрғыны (22 жаста) үйлердің бірінде полиция қызметкерлерімен карта ойнауға отырған. Жеңіліп қалғаннан кейін ол асылып қалады. Кейбір видеоларда марқұмды асылып тұрған күйінде әжесі тапқаны айтылған.
"Шамамен бір тәуліктен кейін аудан әкімдігі ғимаратының жанында ауылдастары (70-80 адам) полиция қызметкерлеріне қатысты шаралар қабылдауды өтініп жиналды. Сол сәтте ол жерге қауіпсіздік күштері де тартылды. Қазір тергеу жүріп жатыр. Өзіне-өзі қол жұмсауға итермелеу туралы бап бойынша қылмыстық іс қозғалды. Бір қызығы, карта ойнаған тәртіп сақшылары өз еркімен жұмыстан шығады. Олардың біреуі өз еркімен зейнетке шығады, бұйрық түріндегі құжаттың көшірмесі бар.
Енді сол түні әкімдікте жиналған марқұмның достары мен туыстары шу басылғаннан кейін оларға да тиісіп жатыр. Енді олардың біреуі заңсыз митинг үшін, ал екіншісі бұрыс ақпарат таратқаны үшін жауапкершілікке тартылады", - делінген жарияланған бейнероликтің түсіндірмесінде.
