Астана
-6.03°C
Астана
-6.03°C
17 жыл бойы туған ағасы күң қылып ұстаған апалы-сіңлі Назгүл бен Құндыз қазір Алматы қаласында тұрып жатыр. Бұл туралы қыздардың үйіне қонаққа барған журналист Руслан Өтепбай әлеуметтік желідегі парақшасында жариялады, деп хабарлайды Massaget.kz
Журналистің айтуынша, қыздар қазір 3 аптадан бері кешенді ем қабылдап жатыр.
«Апалы-сіңлілі кешенді ем қабылдау үшін медициналық орталықтың жанынан пәтер жалдадық. Сонымен қатар, олардың тамағын әзірлеп, жуындырып, киімдерін тазалау үшін күтуші жалдадық. Қыздар үш ай бойы емді Алматы қаласында қабылдайды», – деп жазды ол.
Сондай-ақ, Руслан Өтепбай қыздарды құлдықта ұстаған ағасы мен жеңгесіне қатысты қылмыстық іс қозғалғанын айтты.
«Қыздардың ағасы мен жеңгесіне қатысты қылмыстық іс қозғалды. Сонымен қатар, оқыс жағдайда қайтыс болған інілерінің өлімі қалай болғанын анықтау үшін тілшілер дәлелдер жинауда. Таяуда ашылмаған басқа да жайттарды эфирде тәптіштеп айтамыз», – деді журналист.
Еске салайық, Түркістан облысында апалы-сіңлілі қыздар ұзақ уақыт бойы еңбек құлдығында болған. Бұл жағдайды қыздардың сыныптастары «Көреміз» бағдарламасына айтқан.
