Ермұрат БАПИ: «БАҚ туралы Заң жобасы осы күйінде ешқашан қабылданбайды»

- Егер қазіргі үлгісін алып қарайтын болсақ, кемінде 60 пайызға өзгермей қабылданбайды. Біздегі депутаттардың оншақтысы депутаттар. Ортамызда азаматтық қоғамның біраз өкілдері, бизнестің білімді, білікті өкілдері бар. Олар да бұл Заңның кем-кетігін көріп отыр.Сондықтан, дәл осы күйде ол ешқашан қабылданбайды.  Ал, егер, билік мұны тықпалайтын болса, екі ортада ешқашан мәміле болмайды. Сондықтан, депутаттардың ұсыныстарының 80-90 пайызы Үкімет тарапынан қолдау табуға тиісті. Әрине, қаржыға қаржыға, бюджетке салмақ түсетін жағына емес, бірақ, демократиялық бағытқа бағытталған өзгерістер қолдау табуға тиісті. Карта, грант мәселесі де осы өзгерістердің қатарында. Әсіресе грант мәселесі әлемде бар тәжірибе.

- Егер әлдебір сала, немесе тақырыпқа байланысты үкімет грант жариялайтын болса, онда оған тек, биліктің басылымдары ғана емес, тәуелсіз БАҚ, мен оппозициялық БАҚ қатыса алуы керек. Және түрлі саяси ұстанымы бар БАҚ бұған қатысуына Үкіметтің өзі мүдделі болуға тиісті. Үкімет ютуб каналдарға, телеграмм каналдарға басқа да ресурстарға грант бөлу арқылы өз саясатын қоғамға сіңіре алады. Бір ғана биліктің басылымдары мен арналары арқылы өз идеологиясын жүзеге асыра алмайды ", - деді Ермұрат Бәпи «Paryz.kz» берген сұхбатында.

Оның пікірінше халық күнделікті «Хабар» мен Ұлттық арнаның күнделікті айтыла-айтыла жауыр болған тақырыптарына мойынсұна алмайды.

- Жаңа ресурстар керек. Жаңа тұлғалар арқылы ғана Үкімет өз саясатын, өзінің экономикалық бағыт-бағдарын насихаттай алады, - деді депутат.