10 жыл бойы мемлекеттен пәтер күткен қостанайлық тұрғын мақсатына жетті

Ата-анасының қамқорлығынсыз қалған және интернатта тәрбиеленген бірінші топтағы мүгедек қостанайлық тұрғын 2009 жылдан бастап заң бойынша пәтерге уақытында кезекке тұрмаған, сондықтан осы күнге дейін оған мемлекеттен берілген тұрғын үйді күтуіне тура келді.

Қазір Қонақбаев кезекте 835-ші тұр. Басылымның мәліметінше, мұндай жағдайда жеке тұрғын үй алу үшін көп күтуге тура келеді.

Жігіт мемлекеттік органдар мен балаларға арнайы қызмет көрсету орталығының әрекетсіздігіне шағым айтуға шешім қабылдады. Маусым айында ол сотқа кезекті талап арызбен жүгініп, интернаттың оны тұрғын үйге кезегіне қою жөніндегі әрекетсіздігіне шағымданып, өткізіп алған мерзімін қалпына келтіруді сұрады. Өйткені біраз жыл өтті, ал интернатта болған кезде ол өз құқықтарын қорғай алмады.

Қонақбаев алдын ала кеңес барысында балалар орталығы өз кінәсін мойындағанын, сондықтан Қостанай қаласының әкімдігі мен тұрғын үй қатынастары бөлімін жауапкерлер қатарынан шығару туралы шешім қабылдағанын айтты.

Интернат медиативтік келісімге келгісі келді, талапкер қарсы болмады. Мамандандырылған ауданаралық әкімшілік сотының судьясы жанжалды бейбіт жолмен реттеу туралы ұйғарым шығарды. Құжатқа сәйкес, арнайы қызмет көрсету орталығы талапкердің тұрғын үйіне уақтылы кезекке тұру бойынша әрекетсіздіктің заңсыздығын мойындады. Қонақбаев өз арызын қайтарып алды және бұдан былай балалар орталығына шағымданбауға міндеттелді.

Медиативтік келісімді бекіту туралы ұйғарым күшіне енгеннен кейін қостанайлық есепке қоюдың жаңа күні үшін әкімдікке жүгінуге міндетті. Одан бас тартуға құқығы жоқ. Қонақбаевтың айтуынша, енді мемлекеттің пәтер кезегінде ол алғашқы бестікте болады.