Астана
-7.03°C
Астана
-7.03°C
Шымкент патрульдік полиция полкінің қызметкерлері қала бойынша жалған мемлекеттік нөмірімен жүріп келе жатқан автокөлікті анықтады, деп хабарлайды Paryz.kz ақпарат агенттігі Tengrinews.kz сайтына сілтеме жасап.
Ведомство мәліметінше, жүргізуші 590-баптың 4-бөлімі бойынша жауапқа тартылған.
"Киа-Рио" маркалы мемлекеттік белгісі 0745 көлігі Шымкент қаласы Полиция департаментінің баспасөз қызметінің басшысы М.Бекееваға бекітілген. Айта кету керек, бұл көліктің артында жарты миллион теңгеге жуық жол қозғалысы ережелерін бұзу жәйіттері бар", - делінген Facebook желісіндегі жазбада.
Шымкент Полиция департаменті баспасөз қызметінің басшысы Мөлдір Бекеева бұл автокөліктің жүргізуші-полицейге бекітілгенін мәлімдеді.
"Аталған қызметтік көлік Шымкент қаласы Полиция департаменті бастығының 18.09.2022 жылғы бұйрығымен департаменттің автошаруашылығының жүргізуші-полицейіне бекітілген. Аталған қызметкерді 14.01.2023 жылы (сенбіде) патрульдік полиция полкінің қызметкерлері жалған мемлекеттік нөмірмен жүрген жерінен ұстады. Оған қатысты ҚР ӘҚБтК 590-бабының 4-бөлігі бойынша хаттама толтырылды. Қазіргі уақытта жүргізушіге қатысты қызметтік тексеру жүргізіліп жатыр. Сондай-ақ, заңда көрінеу жалған ақпарат таратқаны үшін жауапкершілік көзделгенін жеткіземіз", - деп жауап берді Бекеева Tengrinews.kz сайтының тілшісіне берген жауабында.
Еске сала кетейік, бұған дейін заңгер Айгүл Орынбек жалған ресейлік нөмірі бар көлік қалада такси болып жүргенін жазған болатын.
