Астана
-6.03°C
Астана
-6.03°C
Алматы облысында өгей қызын зорлады деп күдікке ілінген азамат А-ға қатысты қылмыстық іс бойынша тергеу аяқталды. Бұл туралы Еңбекшіқазақ ауданының полиция басқармасы хабарлады деп мәлімдейді Paryz.kz ақпараттық агенттігі.
Қылмыстық іс бойынша тергеуді аудандық тергеу бөлімінің аға тергеушісі, полиция аға лейтенанты К.А. Мүсілім аяғына жеткізді.
"Азамат А. 2022 жылы шілдеде Еңбекшіқазақ ауданы Қ. Ұлтарақов ауылындағы жер үйлердің бірінде өзінің өгей қызына қатысты сексуалдық сипаттағы зорлық-зомбылық әрекеттерін жасаған" делінген Еңбекшіқазақ ауданы ПБ баспасөз қызметі таратқан мәлімдемеде.
Сотқа дейінгі тергеу барысында, ведомствода атап өткендей, күдіктінің кінәсі толықтай дәлелденді.
"Ол жасаған ауыр қылмысына шын жүректен өкініш білдірді. Оның әрекеттері ҚР ҚК 121-бабы 4-бөлігі ("Сексуалдық сипаттағы зорлық-зомбылық әрекеттері") бойынша сараланды», – дейді Еңбекшіқазақ ауданы ПБ баспасөз қызметі.
Қазіргі уақытта, ведомство атап өткендей,"қылмыстық іс бойынша сотқа дейінгі жүргізілген тергеп-тексерудің есебі айыптау актісін толтыру және айыпталушыны сотқа беру үшін Еңбекшіқазақ ауданының прокурорына жіберілді".
