Атырау облысындағы Теңіз кенішінде қараша айынан бері 140 жұмысшыдан COVID анықталды, деп хабарлады paryz.kz.
Облыстық Денсаулық сақтау басқармасының мәліметінше, Теңіз кенішінде өткен айдан бері коронавирус жұқтырғандардың саны 140-қа жетті. Оның 71-і соңғы 4 күнде жұқтырған.
"Теңіз кен орнындағы 315 орындық инфекциялық стационарда 15 маман жұмыс істейді. Қазір мұнда 111 науқас ем қабылдап жатыр. Стационар жүктемесінің пайызы - 35,2. Соған байланысты бүгін Денсаулық сақтау басқармасы Теңіз кен орнына қосымша 8 маманды жіберуге шешім қабылдады. Оның екеуі - дәрігер, екеуі - мейірбике және төртеуі - санитар", - дейді басқарманың баспасөз қызметі.