Шымкенттік Рафикке қатысты сот үкімі шықты

Қылмыстық ортада "шымкенттік Рафик" атымен танымал 43 жастағы Рафаэль Бикбаевқа қатысты сот шешім шығарды, деп хабарлады paryz.kz, Әл-Фараби аудандық сотына сілтеме жасап.

Іс материалдарының сипаттама бөлімінде көрсетілгендей, Бикбаев 2017 жылдың мамыр айында басқа адамдармен бірге алдын ала сөз байласу арқылы аса ірі көлемдегі алаяқтық жолымен әрекет етіп, Оңтүстік Корея азаматынан ақша ұрлауға ықпал еткен.

2017 жылдың соңында Оңтүстік Корея азаматы өзінің инвестициясына Шымкентте салынған тігін фабрикасының тартып алынғанын мәлімдеген.

Шетелдіктің сөзінше, қылмыстың ұйымдастырушысы және нұсқаушысы Рафаэль Бикбаев болды. Оңтүстік кореялық кәсіпкердің өтініші бойынша қылмыстық іс қозғалып, Бикбаевтің жанындағы алаяқтық үшін кінәлі деп танылған төрт азамат сотталды. Рафаэль Бикбаевтың өзі сол кезде Қазақстаннан тыс жерде жасырынып жүрген. Бірақ кейін Ресейде ұсталып, 2019 жылы Шымкентке экстрадицияланды. Оған қарсы шетелдік инвесторды алдау ісі бойынша қылмыстық тергеу қайта басталды.

Биыл мамыр айында сот ісі Әл-Фараби аудандық сотында басталған. Бұл іске тікелей Шымкентке арнайы келген жәбірленушінің өзі қатысты. Сот Бикбаевқа қатысты көрсетілген айғақтарды негізге ала отырып, оны 7 жылға бас бостандығынан айырды. Ол жазасын төтенше қауіпсіздік колониясында өтейтін болады.

"Үкім әлі заңды күшіне енген жоқ", - деп атап өтті Әл-Фараби аудандық соты.