"Тегін қызметті ақылы алуға мәжбүр": министр ХҚКО басшыларын сынға алды

Цифрлық даму, инновациялар және аэроғарыш өнеркәсібі министрі Бағдат Мусин ХҚКО-ға аяқасты тексеріс ұйымдастырып, ондағы кемшіліктерді қатаң сынға алды, деп хабарлады paryz.kz. 

Бұл туралы министр өзінің Facebook-тегі парақшасына жазған. Оның айтуынша, халық жалған көмекшілерге тап болып, тегін қызметтерді ақылы түрде алуға мәжбүр. 

"Пандемияның өршуі кезінде ХҚКО-да өзіне-өзі қызмет көрсету аймақтары жабылды, бірақ қазір бұл дұрыс шешім емес екенін байқауға болады. Әрине, сол дүкенге келген орындарда адамдар топталуда, індет жұқтыру қаупі ешқайда жойылмады. Сондай-ақ, енді ақысыз алынатын қызметтері үшін ақша төлеуге тура келуде.

Бір апта ішінде өзіне-өзі қызмет көрсетудің барлық аймақтарын қалпына келтіруді тапсырдым. ХҚКО-да пандемиямен күресуге жай ғана түр көрсете салмай, санитарлық жағдайларды жасау мен бақылау жүргізу жұмыстарымен айналысу дұрысырақ", - дейді министр.

Бұған қоса, ол  ХҚКО-ның санитарлық тораптарының (санузел) жағдайына шүйлікті. 

"Санитарлық тораптарға жедел түрде жөндеуге қаржы бөлу, оларды әр сағат сайын суретке түсіру тәжірибесін енгізу, басшыларға және ахуалдық орталыққа фото жіберу туралы шешім қабылданды. Сондай-ақ, "Азаматтарға арналған үкімет" КЕАҚ өңірлік және аудандық басшыларын жеке жуынатын бөлмелері бар сәнді кабинеттерден айыруды тапсырдым. Басшы клиентпен бірге бір санитарлық торапқа баруы тиіс. Осы жағдайда ғана басқаша болады деп ойлаймын", - деді ол.

Бағдат Мусин енді құжаттардың дайын болуын қазақстандықтар смс-хабарлама арқылы біле алатынын алға тартты. Бұдан бөлек, министр ендігәрі брондау болмайтынын жеткізді. 

"Брондау кезегі - қандай да бір қажетсіз нәрсе. Сіз алдын ала брондауға тапсырыс беріп, келгенде, бөгде адам бронь жасамай, айғай-шу көтеріп, өтіп кетеді.

Фокус-топ (әр түрлі жастағы адамдар кіреді) брондауды пайдалана алатын кезде ғана жасау міндеттілігі шешілді!

ХҚКО-ға барудың қажетілігі болмас үшін барлық қызметтерді онлайн түрде көрсетуге ауыстыруды ойладым. Алайда, ересек буын үшін ХҚКО-ға бару әлдеқайда дағдылы екенін мойындаймын. Сондықтан қызмет көрсету кезінде ыңғайлы болуына бұдан әрі жұмыс істейтін боламын", - деп қорытындылады сөзін министр.